غرداية

غرداية واش بيك حالك حيرني*** خرجولك عديان ياسر طاحو بيك

جزارة ذبحوك غدرة يا وطني *** مشين ذي لفعال قصدوا بيها ليك

غرسو فيك الشر وانت من يجني** غير أرواح ودم خاوة ماتو فيك

كل خبر يجي منك يفجعني******* باعوك رخيسة لامن جا يشريك

يا غرداية راه قلبي واجعني****** رديلي بجواب راني نحدث فيك

سامع صوت رصاص قواي صدعني** فتتلي كبدي دمعي ساح عليك

مشين ذي لخبار منك توصلني**** وسيوف ولادك خداعة ترميك

قالت غرداية : أسكت وارحمني*** اسمع اللي صار بخباري ننبيك

سهام الفتنة في صدري طعنتني**** ومصعبها لا جات من عند امليك

مخلطة الضربات من جيش ومدني** والضربة اللي تجي في لولا تنسيك

نطلب ربي من ذا الهم يحفظني*** ويفاجي لمحان عني بلا تشكيك

يوحد الخاوة وبيهم ينصرني*** يرحمننا ربي القادر الماليك