اليتيم

لاش هكذا راك مغبون**************على ذاك الدمع خبرني



واش غبنك وانت شكون*************دمع عينك راه حيرني



في غبينة راك مسجون*************قلبي عليك ما صبرني



في قلبك انت ممحون*************وبتمحانك راك محني



رفع راسو ليا وقال*************هم كبير راه معذبني



قلتله خبرني فالحال*************اهدر خويا وجوبني



قال ليا تعذبت شحال************فراق لميمة غاد يهبلني



في ساع تغيرت لحوال**********ونومي اه ولى يهجرني



عطيته وذني سامع لقوال*********بدمعة عينو بدا يحاورني



مغبون هذا من دون اطفال********والى بكيت يا سامع اعذرني



بصوت حنين ونبرة حزينة********عن حالو يحكي يعلمني



ملي غابت ما لحنينة*********مابقى واحد فالدنيا يعبرني



وليت مهموم في غبينة********ومن غير الله واحد ما يرحمني



ليوم محروم من حنانها*******نحكيلك الى باغي تسمعني



مشتاق نشوف غير خيالها*******ولي بحالي هو يعذرني



ما تعوضني الدمعة بكمالها*******بشعرة في ما لا تعوضني



دمعت عيني بقوال قالها********برك . يزي لا تعذبني



وبيد على راسو مسحت ********وبيد مسحت دمعت عيني



يا ريت قصتو ما سمعت********جرحني اه شا يشافيني



ومنها راني تعلمت**********بلي ناس كثيرة راها تعاني



والا انت ليا فهمت**********بجواب ليا اكتب خبرني